Ընկերության պրոֆիլը

ԷԳԻՍ ԽՈՒՄԲԸ Կենտրոնական - Արևելյան Եվրոպայում առաջատար գեներիկ դեղագործական ընկերություններից մեկն է, և նրա գործունեությունը ներառում է դեղագործական բոլոր ոլորտները: Էգիսը հանդիսանում է ՍԵՐՎԻԵՐ ԽՄԲԻ անդամ՝ միջազգային դեղագործական ընկերություն, որը ղեկավարվում է շահույթ չհետապնդող հիմնադրամով, որի գլխամասը գտնվում է Ֆրանսիայում:

 

2018/2019 ֆինանսական տարում Էգիս Խումբը արել է մաքուր 527 միլիոն եվրոյի վաճառք: Բացի Հունգարիայից, մեր արտադրանքը «ԷԳԻՍ» ապրանքանիշի ներքո վաճառում ենք 17 երկրում՝ դուստր ձեռնարկությունների և ներկայացուցչությունների միջոցով:

 

Էգիսի արտադրանքը սկսվում է ակտիվ բաղադրատարրից՝ սկսած հաբերից և ներարկումներից մինչև գալենական (այսինքն հեղուկ և կիսապինդ) դեղաձևեր և 65 երկրներում հասանելի է մեր դուստր ձեռնարկությունների և ներկայացուցչական գրասենյակների կամ գործընկերներ կազմակերպությունների միջոցով:

Վերջին ֆինանսական տարվա ընթացքում մենք շուկայում վաճառել ենք 629 ապրանքատեսակ, որը պատկանել է 159 ապրանքային շարքին և պարունակում է 149 ակտիվ բաղադրատարր:

 

Ուշադրության կենտրոնում է սրտանոթային և կենտրոնական նյարդային համակարգերի հիվանդությունների բուժումը: Այնուամենայնիվ, մենք տրամադրում ենք նաև ժամանակակից բուժական լուծումներ ուռուցքաբանության և կանանց առողջության ոլորտներում: 2013 թ.-ին Էգիս Խումբը գործարկել է իր առաջին կենսանմանակ մոնոկլոնալ հակամարմնի արտադրանքը: Սա նաև Եվրոպական Միությունում առաջին կենսանմանակ մոնոկլոնալ հակամարմինն էր (mAb): Այդ ժամանակվանից ի վեր, Էգիս Խումբը գործարկել է ևս երեք կենսանմանակ դեղամիջոց:

 

 

Լինելով Կենտրոնական Արևելյան Եվրոպայի տարածաշրջանի այնպիսի ընկերություններից, որը վճռականորեն է նվիրված նորարարություններին, Էգիս Խումբը տարեկան մոտավորապես 50 միլիոն եվրո է նվիրում Արտադրանքի Հետազոտության և Զարգացամ: Նրա հետազոտության և զարգացման գործողությունները կենտրոնանում են բարձրորակ, արժեքավոր բրենդավորված վերարտադրված ապրանքատեսակների վրա:

 

Վերջին քսան տարիների ընթացքում Էգիս Խումբը կատարել է ավելի քան 720 միլիոն եվրոյի ներդրումներ բարելավման համար, ինչպիսիք են իր վերջնական արտադրանքի ամբողջական գործընթացի արդիականացումը, ինչպես նաև Հունգարիայում նորագույն հետազոտական և զարգացման կենտրոններ հիմնելը: Բուդապեշտի հունգարական արտադրատարածքում հնարավոր է դարձել նաև շատ հզոր (այսինքն ՝ շատ փոքր դեղաչափերով զգալի կենսաբանական ակտիվություն ունեցող) դեղաձևերի և վերջնական արտադրանքի զարգացումը: 2017/2018 ֆինանսական տարում ավարտվեց ակտիվ բաղադրատարրերի արտադրության ավանդական տեխնոլոգիայի համապարփակ արդիականացումը: Ներկայումս իրականացվում են լայնածավալ զարգացմանն ուղղված մի շարք աշխատանքներ, ներառյալ նոր գալենական գործարանի կառուցումը, մեր առկա փաթեթավորման գործարաններից մեկի ընդարձակումը և շատ հզոր դեղերի ամբողջական արտադրական ծախսերը փակելու կարողությունների ստեղծումը:

WarningYour browser is out of date. Please use a more modern browser! Chrome || Firefox